Mesfushori Toni Kroos nuk e ka ndërmend të pensionohet të premten mbrëma pasi gjermani synon që të tërhiqet nga futbolli aktiv me triumf në Kampionatin Evropian.
Kroos u rikthye këtë vit te Gjermania, e cila si organizatore e “Euro 2024” ka arritur deri në çerekfinale të këtij turneu.
Në këtë fazë, Gjermania do të përballet me Spanjën, kundërshtar që Kroos e vlerëson lartë duke pasur parasysh se dekadën e fundit ka luajtur për Real Madridin.
34-vjeçari nuk ka hezituar të pranoj se synimi i tij dhe Gjermanisë është eliminimi i Spanjës në çerekfinale për të bërë një hap të madh drejt suksesit në Evropian.
“Jemi në fazat finale të Evropianit dhe jemi maksimalisht të motivuar që do të thotë se duam fitoren edhe ndaj Spanjës. Do të jetë vështirë, por ne jemi gati për këtë përballje”, ka thënë Kroos ndër të tjera. Ndeshja Spanjë – Gjermani, luhet të premten prej orës 18:00 në Stuttgart.
Kjo përballje po vlerësohet si finale para finales, pasi kombëtarja që do të avancoj tutje edhe pritet ta fitoj Evropianin.
