Në mënyrë masive, testet e maturës qarkulluan edhe këtë vit në rrjetet sociale.
Në grupet e formuara paraprakisht, maturantët shpërndan fotografi të këtij testi.
E nga kjo “rrjedhje” e testeve, mbi 70% e maturantëve arritën ta kalojnë provimin.
Dështuese nga ekspertët e arsimit po shihet administrimi i provimit të maturës.
Prandaj, nga Instituti Pedagogjik po kërkojnë që ndryshimet të bëhen tek mbikëqyrësit e caktuar nga Ministria e Arsimit.
“Është bërë një farë “ kulture”, e garës për me kopjuar për me shpërnda test, për vjedhje, shkurt e shqip kjo është vjedh, e dyta është problemi është se ndryshim kryesor duhet të behet të administruesit, duhet të vendosen në liderë të zezë ata administrues që ju ka rrjedhe testi”, ka thënë Ismet Potera nga ky institut.
Kurse eksperti i arsimit, Rinor Qehaja, po kërkon që të mendohet një format i ri i testimit.
“Kemi disa qendra testuese në të cilit me të vërtetë administruesit e bëjnë punën më shumë përkushtim, e në plot tjera në të cilat të njëjtin administruesit neglizhojnë, gjithçka rreth këtij debati na kthehet në një administrim të mirëfilltë, prandaj nëse për dekada ka dështuar se zbatuar kjo nënkupton se duhet të mendohet një format i testimit”, shprehet Qehaja.
Testit të maturës këtë vit i janë nënshtruar 18 mijë e 285 nxënës, duke shënuar një rënie prej 59% krahasuar me vitin 2014, ku ishin rreth 42 mijë maturantë të cilët kishin hyrë në këtë provim.