Sulmuesi Antoine Griezmann do të jetë rezervist edhe në ndeshjen e radhës te Kombëtarja e Francës, kanë njoftuar mdiumet e huaja.
Franca ka avancuar nga faza e grupeve në “Euro 2024” dhe në 1/8 e finales do të përballet me Belgjikën.
Ndeshja Francë – Belgjikë, do të luhet të hënën prej orës 18:00 dhe është njëra prej më interesanteve në kuadër të fazës nokaut të Evropianit që po mbahet në Gjermani.
Griezmann ishte titullar te Franca në dy ndeshjet e para të fazës së grupeve por nuk shënoi asnjë gol dhe nuk tregoi paraqitje të mira, gjë që detyroi trajnerin Didier Deschamps ta lë rezervist kundër Polonisë.
Griezmannin ndaj Belgjikës pritet ta zëvendësoj Marcus Thuram, që do të jetë titullar dhe do të luaj në fazën e sulmit së bashku me Kylian Mbappen e Ousmane Dembelen.
Në fazën e grupeve, Franca doli e dyta në Grupin D me 5 pikë kurse Belgjika tuboi katër pikë në Grupin E, në të cilin përfundoi në pozitën e dytë.