UEFA e ka gjobitur Federatën e Futbollit të Zvicrës me mbi 28 mijë euro.
Në fakt, gjoba ishte në vlerë prej 28 mijë e 112 eurosh, e cila erdhi për shfaqje të flamurit me simbol të UÇK-së gjatë ndeshjes së fundit të fazës grupore mes Zvicrës dhe Gjermanisë.
Kjo përballje i takoi Grupit A dhe përfundoi me rezultatin 1:1, ndërsa si Zvicra ashtu edhe Gjermania avancuan në fazën nokaut të “Euro 2024”.
Në total, Federata e Futbollit e Zvicrës të enjten ka pranuar gjobë rreth 95 mijë euro nga UEFA.
