Përkundër eliminimit të hershëm në Kampionatin Evropian, Zlatko Daliq do ta vazhdoj punën e tij si trajner i Kroacisë.
Qëndrimin e Daliqit në krye të Kroacisë, e ka konfirmuar edhe kryetari i federatës kroate, Marijan Kustiq.
Kustiq ka konfirmuar se Daliq do ta vazhdoj punën e tij pasi për këtë ka biseduar me të pas kthimit nga Gjermania, ku Kroacia u eliminua në fazën e grupeve.
Kroacia përfundoi e treta në Grupin B dhe së bashku me Shqipërinë që ishte e katërta u kthyen në shtëpi, ndërsa në fazën nokaut avancuan Spanja e Italia.
Në tri ndeshje të luajtura në fazën e grupeve, Kroacia tuboi 2 pikë pasi barazoi 2:2 me Shqipërinë dhe 1:1 me Italinë kurse u mposht 3:0 nga Spanja.
Daliq është trajner i Kroacisë prej tetorit të vitit 2017 dhe ka kontratë me federatën kroate deri në korrik të vitit 2026. Kështu që, Daliq do ta udhëheq Kroacinë drejt kualifikimit në Kampionatin Evropian që në vitin 2026 mbahet në SHBA, Meksikë dhe Kanada.
