Pula ka thënë se paraqitja e Gërvallës në Këshill të Sigurimit ka qenë e shkëlqyeshme
“Ministrja gërvalla paraqitjen e saj e ka pasur të shkëlqyeshme në Këshillin e Sigurimit, ka thënë atë çfarë është dashur të thuhet, ka kërkuar atë çfarë është dashur ta kërkoj karshi komitetit ndërkombëtar porsa i takon vëmendjes karshi Kosovës. Ka dhënë porosinë atë çfarë është dashur të jepet si institucion në këtë rast si Ministri e Punëve të Jashtme por edhe si përfaqësuese e Qeverisë në këtë rast”, tha ai në emisionin “Info Nata” në Tëvë1.
Ai dha një kritikë karshi prezantimit të Gërvallës në Këshillin e Sigurimit.
“Të vetëm gjë që unë mund ta bëj kritikë karshi prezantimit të saj pranë Këshillit të Sigurimit është momenti kur ajo përmendi vrasjen e babait të saj nga ish UDB-ja, gabimi ishte sikur i ndau dhe Bardhosh Gërvallën dhe Kadri Zekën. Një lloj veçimi karshi dy të tjerëve. Kjo mund të jetë kritika karshi atij prezantimi”, ka thënë ai.
Sipas Pulës, Gërvalla kësaj radhe me paraqitjen e saj ka përmbushur gjithë pritshmërinë.
“Paraqitja e Gërvallës si ministre e jashtme ka qenë në nivel të duhur kësaj radhe ka përmbush të gjithë pritshmërinë që institucioni të cilën ajo përfaqëson, dhe qeverinë në tersi mjaftueshëm, i ka përmbledh të gjitha të dhënat që do të duhej ndarë me të gjithë të pranishmit pranë këshillit të sigurimit”, tha ai. /teve1.info/
