Duket se e ardhmja e mbrojtësit të krahut të majtë, Mario Mitaj është në Serie A të Italisë.
Pas Juventusit e Bolognas, interesim të fortë për shërbimet e Mitajt është futur edhe skuadra e Lazios, raporton të enjten “Tuttomercatoweb”.
Bëhet e ditur se skautët e skuadrave italiane e kanë përcjell Mitajn nga afër në dy ndeshjet e fazës së grupeve të “Euro 2024” dhe janë ndarë të kënaqur me paraqitjet e tij.
Mitaj ishte i pazëvendësueshëm te Shqipëria kundër Italisë e Kroacisë, ndërsa titullar pritet të jetë edhe në duelin me Spanjën, i cili luhet të hënën dhe është i fundit në kuadër të Grupit B.
Mësohet se Lazio është i gatshëm të paguajë deri në 5 milionë euro për kartonin e Mitajt, i cili ka kontratë me Lokomotivën e Moskës deri në vitin 2027.
Megjithatë, te Lazio fillimisht po synojnë shitjen e Elseid Hysajt këtë verë për të liruar vendin për transferimin e 20-vjeçarit Mitaj.
