Skuadra e Interit ka marrë një goditje të rëndë, pasi ka mbetur pa kapitenin Lautaro Martinez të paktën për një muaj.
Interi ka njoftuar të enjten se pas ekzaminimeve mjekësore, është konfirmuar lëndimi muskulor i kofshës së majtë, të cilin Lautaro e pësoi në humbjen nga Brugge, ndeshje në tëcilën shënoi dy gola.
Kështu që, Lautaro i është nënshtruar menjëherë rikuperimit dhe nuk pritet të jetë në dispozicion të trajnerit Christian Chivu deri në ndeshjen kundër Atalantas, e cila luhet më datën 22 nëntor.
Shkaku i këtij lëndimi, Lautaro pritet t’i mungojë Interit në shtatë ndeshje në Serie A dhe Ligën e Kampionëve, përfshirë këtu përballjet me Bolognan, Shakhtarin, Fiorentinan, Venezian, Milanin, Feyenoordin dhe Comon.
Lautaro është kapiten i Interit dhe deri më tani ka shënuar 6 gola dhe ka bërë një asistim në shtatë paraqitje në të gjitha garat.
