Trajneri i Holandës, Ronald Koeman do të bëjë disa ndryshime në përbërje për ndeshjen kundër Francës, që është edhe derbi i Grupit D në “Euro 2024”.
Dueli mes Holandës dhe Francës, luhet të premten prej orës 21:00 ndërsa të dyja kombëtaret synojnë fitoren. Si Holanda ashtu edhe Franca kanë nga tri pikë pas fitoreve në ndeshjet e para, ku e mposhtën Poloninë përkatësisht Austrinë.
Në përbërjen e parë të Holandës të paktën do të jenë dy ndryshime pasi trajneri Koeman po kërkon fitoren për të siguruar kalimin në fazën nokaut. Në sulm dhe mbrojtje do të jenë ndryshimet e Koemanit në formacion.
Xavi Simmons, i cili nuk bindi me paraqitje ndaj Polonisë do të zëvendësohet nga Donyell Malen ndërsa në krahun e djathtë të mbrojtjes, Jeremie Frimpong do të luaj në vend të Denzel Dumfries.
Koeman beson se këto dy ndryshime do ta ndihmojnë Holandën të bëjë paraqitje më të mirë sesa me Poloninë, të cilën e mposhti me rezultatin 2:1.
