Boston Celtics ka fituar titullin e 18-t të kampionit në NBA.
Në serinë finale, Bostoni e mposhti Dallasin me rezultatin e përgjithshëm 4:1 pas pesë ndeshjeve të luajtura.
Në duelin e pestë, të zhvilluar të martën në mëngjes, Bostoni triumfoi me shifrat 106:88 për t’u shpallur kampion i ligës më të fortë në botë të basketbollit.
Jayson Tatum ishte më i dalluari te Bostoni pasi ndeshjen e mbylli me 31 pikë, 11 kërcime e 8 asistime. Me lojë të mirë te Bostoni u veçua edhe Jaylen Brown, i cili pati 21 pikë, 8 kërcime e 6 asistime. Po ashtu, Broën u zgjodh edhe lojtari më i mirë i finales apo MVP i kësaj serie.
Në anën tjetër, te skuadra e Dallasit edhe këtë herë ishte më i miri Luka Donçiq. Donçiq në këtë duel regjistroi “double-double” prej 28 pikë e 12 kërcimeve por që nuk mjaftuan për ta evituar humbjen.
Me këtë sukses, Bostoni është bërë ekipi me më së shumti tituj në histori të NBA-së duke e kaluar skuadrën Los Angeles Lakers.
