Pasi superylli Kylian Mbappe e theu hundën në ndeshjen ndaj Austrisë të hënën mbrëma, Federata e Futbollit të Francës ka lëshuar një komunikatë në lidhje me të.
Federata franceze ka njoftuar se sulmuesi Mbappe është kthyer në kampin e Francës të hënën, pasi kontrollimeve mjekësore në spitalin e Duesseldorfit.
Po ashtu, federata ka bërë të ditur se Mbappe nuk do të operohet menjëherë po do të luaj me maskë. Franca triumfoi 1:0 ndaj Austrisë në kuadër të Grupit D, ndërsa Mbappe u largua nga fusha në fund të takimit.
“Kyliani do të trajtohet në ditët e ardhshme, por nuk do t’i nënshtrohet operacionit menjëherë. Një maskë do të bëhet gati për Mbappen që ai të mund të kthehet në fushës pas periudhës së trajtimit”, ka shkruar federata franceze.
Nuk është saktësuar se sa do të jetë periudha e trajtimit, ndërsa mbetet të shihet nëse Mbappe do të luaj në ndeshjen e ardhshme. Duelin tjetër në grup, Franca e luan me Holandën të premten.