Mbrojtësi i Kombëtares së Shqipërisë, Arlind Ajeti mund të transferohet në Serie A të Italisë pas përfundimit të “Euro 2024”.
Mediumet italiane kanë raportuar se disa skuadra kanë shprehur interesim për Ajetin, të cilin tashmë po e monitorojnë.
Ajeti është pjesë e Shqipërisë në Evropian dhe luajti gjatë tërë ndeshjes kundër Italisë. Emri i klubeve të interesuara për Ajetin nuk është bërë i ditur, por thuhet se gjasat janë të mëdha që 30-vjeçari të rikthehet në futbollin italian.
Ai ka bërë karrierë në Itali pasi në të shkuarën ka qenë pjesë e skuadrave si Torino, Frosinone, Crotone, Reggiana e Padova.
Aktualisht, Ajeti është pjesë e Clujit dhe me ekipin nga Rumania ka kontratë deri në verën e vitit të ardhshëm. Ai iu bashkua Clujit verën e shkuar dhe në sezonin e tij të parë në Rumani realizoi 3 gola në 21 paraqitje kampionale.
