Kryeministri i Kosovës, Albin Kurti në samitin “The Western Ballkans 2024” ka thënë se Kosova është vend demokratik dhe dëshiron integrimin e serbëve.
Kurti tha se integrimi i serbëve të Kosovës në institucionet e vendit, është çështje parësore për të.
Tutje, ai tha se duhet bashkëpunim në biznes, pasi sipas tij problemet që kemi nuk ka të bëjnë me serbët, janë me Beogradin që nuk u distancua as me Millosheviqin as me Putinin.
“Kosova është Republikë demokratike. Serbët në Kosovë sipas pakos së Ahtisarit kanë 10 vende në parlamentin tonë, gjuha serbe është zyrtare në vend. 17% e anëtarëve të Kuvendeve komunale në gjithë republikën janë serb. Bashkëpunojnë mirë. Duam integrimin e serbëve. Shqiptarët janë 93% e popullsisë, por kemi 4% serb dhe pakica tjera që duam ti respektojmë. Duam te bashkëpunojmë mirë me të gjithë dhe të krijojmë Republikë demokratike në bazë të qytetarëve. Nuk ka ndarje etnike por barrierë gjuhësore. Na nevojitet të bashkëpunojmë, të bizneset të kenë më shumë investime në ekonomi. Problemet që kemi nuk ka të bëjnë me serbët, janë me Beogradin që nuk u distancua as me Millosheviqin as me Putinin……Problemi ynë nuk është aspak me serbët e Kosovës që po integrohen. Po legalizojmë patentë shoferët, që e kemi bërë me targat, po bëjmë verifikimin e diplomave”, deklaroi Kurti./teve1.info/
