Norvegjia do të paraqitet me formacionin më të mirë në ndeshjen miqësore kundër Kosovës, ka paralajmëruar trajneri Stale Solbakken.
Sulmuesi i Manchester Cityt, Erlind Haaland do t’i prijë sulmit të Norvegjisë, ndërsa startues do të jetë edhe mesfushori i Arsenalit, Martin Odegaard.
Ndeshja miqësore ndërmjet Norvegjisë dhe Kosovës, do të zhvillohet të mërkurën në Olso prej orës 19:00. Në konferencën për shtyp, trajneri Solbakken ka bërë me dije se ndaj Kosovës do të aplikoj lojë sulmuese, duke bërë me dije se do t’i testoj dy formacione ofensive kurse Haaland do të luaj për pjesën më të madhe të takimit.
Për Norvegjinë, përballja me Kosovën do të jetë njëra prej dy miqësoreve të këtij muaji, e cila do t’i shërbej si përgatitje për edicionin e ri të Ligës së Kombeve që nis në muajin shtator.
Tri ditë pas miqësores me Kosovën, Norvegjia do të përballet edhe me Danimarkën, ndeshje kjo që luhet në “Brondby Stadium”.
