Paris Saint-Germaini duket se ka gjetur zëvendësimin ideal për sulmuesin Kylian Mbappe, i cili iu bashkua Real Madridit si lojtar i lirë.
“L’Equipe” raporton se Parisi po synon Kvicha Kvaratskhelian e Napolit, ndonëse ekipi italian e konsideron të paprekshëm.
Mësohet se Kvicha ka biseduar personalisht me trajnerin e Parisit, Luis Enriquen dhe është i gatshëm për t’u transferuar në Francë por mbetet të shihet nëse Napoli do ta pranoj ofertën për 23-vjeçari.
Parisi është i gatshëm të ofrojë deri në 100 milionë euro për gjeorgjianin duke pasur parasysh dëshirën e lojtarit, por edhe faktin që ai nuk ka pranuar rinovimin e kontratës me Napolin që i skadon në vitin 2027.
Kvaratskhelia në vitin 2022 iu bashkua Napolit dhe në sezonin e tij të parë fitoi titullin e kampionit në Serie A. Në sezonin e fundit, ai pati 11 gola e 9 asistime në të gjitha garat.
