Skuadra e Juventusit po vlerësohet favorit i madh për transferimin e Edon Zhegrovës gjatë këtij afati kalimtar të verës.
Gazeta italiane “Tuttosport” raporton të martën se Juventusi ka parakaluar Romën në garë për Zhegrovën, falë raporteve të mira që i ka me agjentin Hasan Cetinkaya që përfaqëson reprezentuesin e Kosovës.
Krahas Juventusit e Romës, situatën e Zhegrovës po e monitorin edhe Napoli por “bardhezinjtë” thuhet se tashmë janë në avantazh dhe se shpejti pritet të konfirmohen negociatat mes palëve.
Zhegrova ka kontratë me Lillen deri në vitin 2026, por pritet të largohet këtë verë nga ekipi francez edhe pse ka kontratë deri në vitin 2026.
25-vjeçari ishte prej lojtarëve kryesor te Lille në sezonin 2023/24, ku realizoi 12 gola dhe asistoi 10 herë në 47 paraqitje në të gjitha garat.
Zhegrova është pjesë e Lillet prej janarit të vitit 2022 kur iu bashkua nga skuadra e Baselit.
