Kështu është vendosur sot nga Kryesia e Kuvendit, në mbledhjen e përbashkët me kryetarë të grupeve parlamentare.
Në një njoftim bëhet e ditur se pas përfundimit të pikave të zakonshme, deklarimeve jashtë rendit të ditës dhe pytjeve parlamentare, në rend dite do të jetë propozimi i 40 deputetëve për caktimin e Komisionit Hetimor Parlamentar lidhur me menaxhimin e krizës energjetike nga Qeveria.
“Më pas, pritet të bëhet shqyrtimi i dytë i Projektligjit për mbrojtjen e sekreteve tregtare, për të vijuar me zgjedhjen e një anëtari të Bordit të Radiotelevizionit të Kosovës, nga radhët e komuniteteve tjera joshumicë, si dhe të tre anëtarëve të Këshillit Gjyqësor të Kosovës. Seanca pritet të përmbyllet me formimin e Organit Përzgjedhës të Pavarur për përzgjedhjen e anëtarëve në Organin Shqyrtues të Prokurimit”, thuhet në njoftim. /Teve1.info/
