Nga Presidenca kanë theksuar se gjatë takimit, Osmani ka potencuar se çdo rekomandim i identifikuar përgjatë procesit do të shqyrtohet me kujdes të veçantë, shkruan teve1.info
“Është thelbësore që çdo emërim të jetë rezultat i një procesi transparent dhe të drejtë, dhe çdo kandidat të ketë integritet të dëshmuar përgjatë karrierës. Këto janë parime themelore të cilat i kam ndjekur në çdo emërim që kam bërë”, ka thënë Osmani, bëhet e ditur në njoftim.
Në njoftim është thënë se Osmani do t’i vazhdojë konsultimet edhe me akterë të tjerë të përfshirë në këtë proces për t’u siguruar që procesi ka qenë i drejtë dhe i pranueshëm.
Ndryshe, kryeprokurorit aktual të Shtetit Aleksandër Lumezi, i përfundon sot mandati 7-vjeçar.
Këshilli Prokurorial i Kosovës ka zgjedhur Blerim Isufajn për ta pasuar Lumezin, dhe tani është në duart e presidentes që ta bëjë emërimin. /Teve1.info/
