Kryetari i Partisë Demokratike të Kosovës, Memli Krasniqi në një konferencë për media ka thënë se mundësia për shpërndarjen e Kuvendit të Kosovës është ezauruar.
Krasniqi është shprehur i habitur nga që partitë opozitare, nuk kanë pasur gatishmërinë e shpërndarjes së Kuvendit.
Derisa, kryetari i kësaj partie u shpreh se mos shkuarja në zgjedhje ia zgjatë mandatin pushtetit aktual.
Në fund, ai u shpreh se PDK-ja është gjithmonë e gatshme për zgjedhje të parakohshme dhe largimin e Qeverisë.
“29 maji, ashtu siç e kam cekur si afat në letrën e dërguar tre partive parlamentare shqiptare, duke ndjerë keqardhje për shtetin dhe qytetarët, ju njoftoj se mundësia për shpërndarjen e Kuvendit të Kosovës tashmë është ezauruar, thirrja nga partia më e madhe në vend që ta shpërndajmë kuvendin nuk ka gjetur mbështetje të mjaftueshme. Vërtetë jam i habitur nga mos gatishmëria e partive opozitare për t`a bërë një gjë të tillë, sepse mos shkuarja në zgjedhje efektivisht ja zgjat mandatin pushtetit aktual. Partia Demokratike e Kosovës ka qenë gjithmonë e gatshme për çdo variant që mundëson zgjedhje të parakohshme dhe largimin e kësaj qeverie”, ka deklaruar Krasniqi./teve1.info/
