Janë duke i bërë përgatitjet që për pak ditë të hapin kioskën e tyre.
Enver Makolli që punon që 48 vjet në sheshin e Prishtinës me këtë zanat, tani ka marrë një kiosk të re.
Por, qeraja për Makollin është e papërballueshme.
“Ne kemi punuar me kioskat tona sa kemi mundur e falënderoj Komunën që na ka mundësu këto kioskat e reja, më të mira më të nxehta, vetëm çmimi pak i lartë sidomos unë invalid me një pension nuk e përballoj atë edhe punë nuk ka qysh ka pasur”, ka deklaruar ai.
Madje ai tregoi që kioskat e reja kanë filluar të dëmtohen.
E i të njëjtit mendim është edhe asamblisti, Besart Krasniqi nga radhët e Lëvizjes Vetëvendosje.
“Ata ankohen fillimisht për shkak të çmimit të lartë prej 45 euro për tre muaj ditë tani në 310 euro në një muaj. Ankesat tjera janë që ato po keqpërdorën nga qytetarë të pandershëm për shkak të nevojave personale që i kryejnë aty si dhe ankohen në Komunë që ato ende po u leshu në funksion kanë filluar të dëmtohen kogja shumë. Ne edhe kemi kërku nga Komuna që të merren me këtë çështje por nuk kanë marrë ndonjë hap për me rregulluar”, ka thënë ai.
Për këtë çështje, Tëvë1 ka tentuar që të marrë një përgjigje nga Komuna, por të njëjtit kanë refuzuar të përgjigje.
E disa prej kioskave të vendosura nëpër sheshet e Prishtinës ende po vazhdojnë të qëndrojnë jashtë përdorimit.