Komandanti i Forcave Kosovare të udhëhequr nga NATO (KFOR), gjeneralmajor Ozkan Ulutash, sot ka mirëpritur ardhjen e një kontingjenti të ri nga Gjermania.
KFOR ka bërë të ditur se trupat do të caktohen në Komandën Rajonale në Lindje të misionit të KFOR-it.
“Ardhja e një kontigjenti të ri të paqeruajtësve gjermanë pasqyron mbështetjen e gjatë të Gjermanisë për misionin tonë dhe për stabilitetin rajonal”, tha gjeneralmajori Ulutash.
Ulutash tha se kontingjenti i ri do të kontribuojë në aktivitete të përditshme drejtë sigurisë për të mirën e të gjitha komuniteteve që jetojnë në Kosovë.
“Ai i shton forcë qëndrimit tonë tashmë të dukshëm dhe fleksibël në të gjithë Kosovën dhe do të kontribuojë në aktivitetet tona të përditshme drejt sigurisë së qëndrueshme, në të mirë të të gjitha komuniteteve që jetojnë në Kosovë”, shtoi ai./teve1.info/
