Ka përfunduar ndeshja mes Kombëtares së Kosovës dhe asaj të Ukrainës në grupmoshat U17, e vlefshme kjo për fazën kualifikuese drejt Kampionatit Evropian Euro 2022 U17.
Pas plot 90’ minutave lojë të zhvilluara, Kosova ka pësuar humbje me rezultat 2:0 kundër Ukrainës.
“Dardanët” e rinj treguan paraqitje solide në pjesën e parë, ku edhe e mbajtën portën e paprekur, ndërsa pjesa e dytë i takoi ukrainasve.
Fillimisht, ishte sulmuesi Dmytro Kremchanin ai i cili e zhbllokoi rezultatin i pari, duke shënuar gol në minutën e 75’ për të kaluar Ukrainën në epërsi prej 1:0.
Golin e dytë për ukrainasit dhe të fundit të ndeshjes e shënoi mbrojtësi Oleksiy Gusiev, i cili shënon në minutën e 90’+1 shtesë për rezultatin final 1:0.
Ndeshja e sotme i takon xhiros së parë të Grupit 6 të këtyre kualifikimeve, ku me fitoren e sotme Ukraina ngjitet në vendin e parë në kuotën e tre pikëve, krahas Kosovës që zë vendin e fundit në tabelë me asnjë pikë të arkëtuar.
Rezultati final i ndeshjes është 2:0 në favor të Ukrainës U17.
