Kryeministri i Kosovës, Albin Kurti dhe ministri i Financave, Punës dhe Transfereve, Hekuran Murati, kanë bërë lansimin e “Pilotimit të Projektit për Reformën e Asistencës Sociale” në Kosovë.
Kurti tha se skema e re e asistencës sociale nuk do të ketë më diskriminime.
“Qysh në shtator të vitit 2021 ndihmuam me shtesat për lehona e fëmijë. Deri më tani kemi mbi 400 mijë fëmijë që përfitojnë nga këto skema. Ndamë mbi 100 milionë euro për të mbështetur pensionistët dhe për skemat tjera sociale. Si Qeveri nuk u ndalëm por vazhduam me ndihma në disa sektorë. Fokusi ynë ishte reformimi rrënjësor i sistemeve e politikave që ishin keq të dizajnuara. Dizajni i skemës aktuale sociale është diskriminues sepse në momentin që fëmija në një familje mbush moshën 5-vjeçare ddhe atij i është ndërprerë ndihma”, ka thënë Kurti.
Ndërkohë, kryeministri tha se skema aktuale ka qenë diskriminuese dhe e padrejtë, derisa shtoi se e reja do të sigurojë barazi të plotë/
“Dizajni i skemës aktuale i asistencës sociale, i cili ka nisur në vitin 2007 dhe që nuk ka ndryshuar nga ajo kohë është diskriminues, i padrejtë dhe nxitës papunësi edhe më keq punësim joformal. Është diskriminues dhe i padrejtë… Ministria e Financave së bashku me Bankën Botërore kanë dizajnuar një skemë të re të asistencës sociale që siguron barazi të plotë për të gjithë dhe nxitë punësim”, deklaroi Kurti.
Kurti tha se nga sot secila familje në Kosovë, e cila ka të ardhura më të ulëta se 100 euro për anëtar për muaj mund të qaset në e-Kosova për t’u bërë pjesë e pilotimit të skemës së reformuar sociale./teve1.info/
