Zëdhënësi i Qeverisë së Republikës së Kosovës, Përparim Kryeziu, tha se premtimi i zëvendëskryeministres Donika Gërvalla-Schëarz në letrën dërguar Byrosë së Këshillit të Evropës është ripërsëritje e premtimit të kryeministrit, Albin Kurti.
Kryeziu shkroi se Kurti këtë zotim e ka dhënë me 18 mars 2023 në Ohër, e me 2 maj 2023 në Bruksel, kur ka ofruar gatishmërinë për të shkruar një draft-statut për Asociacionin bazuar në nenin 7 ndërlidhur me nenin 10 të Marrëveshjes Bazike (Bruksel, 27 shkurt 2023).
“Premtimi i zëvendëskryeministres Donika Gërvalla-Schëarz në letrën dërguar Byrosë së Këshillit të Evropës është ripërsëritje e premtimit që kryeministri Kurti ka dhënë me 18 mars 2023 në Ohër, e me 2 maj 2023 në Bruksel, kur ka ofruar gatishmërinë për të shkruar një draft-statut për Asociacionin bazuar në nenin 7 ndërlidhur me nenin 10 të Marrëveshjes Bazike (Bruksel, 27 shkurt 2023)”, ka shkruar ai në Facebook mes tjerash.
