Katër persona janë arrestuar të mërkurën në Prizren, pasi që të njëjtit pas një zënke e kanë sulmuar fizikisht një person.
Sipas raportit të policisë, të njëjtit me forcë e kanë futur viktimën në veturë dhe e kanë dërguar në një lokacion tjetër.
Policia ka bërë të ditur se viktima është dërguar për tretman mjekësor, ndërsa të dyshuarit janë intervistuar dhe me vendim të prokurorit janë dërguar në mbajtje.
“Prizren / 15.05.2024-22:40. Janë arrestuar katër të dyshuar kosovarë, nën dyshimin se të njëjtit pas një zënke e kanë sulmuar fizikisht viktimën mashkull kosovar dhe të njëjtin me forcë e kanë futur në veturë dhe e kanë dërguar në një lokacion tjetër. Viktima është dërguar për tretman mjekësor, ndërsa të dyshuarit janë intervistuar dhe me vendim të prokurorit janë dërguar në mbajtje”, thuhet në raport./teve1.info/
