Mitrovica është kampione e Kosovës në Superligën e femrave në futboll. Të dielën u organizua ceremonia e dorëzimit të Kupës.
KFF Mitrovica e mposhti Llapin me rezultatin 8:0, në ndeshjen e xhiros së 20-të, e më pas pranoi trofeun e kampionit.
Për Mitrovicën është titulli i pestë i kampionit dhe edicionin e ri, do të paraqitet në kualifikimet e Ligës së Kampionëve.
“Jemi të lumtura pasi e kemi kthyer titullin aty ku e ka vendin. Ka qenë një kampionat jo i lehtë, ngase kishim dy vjet që nuk e kishim fituar titullin dhe kishim edhe ndërrim të stafit të trajnerëve. Mirëpo, kryesia na ka qëndruar afër dhe ne si grup kemi qenë kompakt. Tani do të fillojmë të mendojmë për garat në Ligën e Kampionëve, ku sigurisht do të kemi disa përforcime, pasi synojmë ta kalojmë fazën e grupeve”, ka thënë kapitenia e Mitrovicës, Kaltrina Biqkaj që trofeun e pranoi nga kreu i FFK-s, Agim Ademi.
