“Një Kosovë pa vetëvrasje”, kjo ishte motoja e peticionit të nisur të hënën nga organizatat e shoqërisë civile në sheshin “Zahir Pajaziti” në Prishtinë.
Që këto raste të parandalohen, këto organizata kanë nisur këtë peticion për inicimin e një projektligji.
Nga Qendra për Informim dhe përmirësim social tregojnë qëllimin që do ta këto ky projektligj.
“Ka për qëllim te krijojë politika të tilla të cilat ofrojnë shërbime për parandalim të vetëvrasjes, shërbime klinike dhe jo klinike si ndihmës për familjar që kanë pasur rast të vetëvrasje. Në këtë pikë hyjnë edhe disa mekanizma tjerë që po tentojmë të shtyjmë përmes një ligjit që dëshirojmë të detyrojmë Kuvendin ta krijojë, e që është ngritja e profesionalizmit të media se si raportohet vetëvrasjes dhe një linje telefonike që të parandalojë vetëvrasjet”, ka thënë Fjolla Muqaj.
Derisa rastet e vetëvrasjeve janë rritur, në Kosovë duket që nuk ka statistika zyrtare për këto raste.
Interesimi i qytetarëve për të ditur rreth kësaj iniciative ishte i madh.
Madje ata po shohin mes të nevojshëm formimin e një ligji që parandalon vetëvrasjet.
“Pas luftës e këndej vend si me qenë një shtet i sigurt e pa problem, tek ne po shtohen problemet për çdo ditë. Shumë na vjen keq të gjithëve diçka duhet me ndërmarrë preventivë bile diçka me ndalu. Çdo ligj që bëhet ka efektin e vet, mendoj se ka me pas efektin e vet”, thotë qytetari Zeqir Buzuku
“Një ligj që e bënë zvogëlimin e parandalimin e vetëvrasjeve dhe vrasjeve makabre janë të mese e domosdoshme. Janë shqetësues dhe stresuese dhe të pakapshme për mendimin sidomos për gjeneratat e reja”, shprehet Pashk Desku, qytetar.
Psikologë më marrë më shumë, por këtu çka është rëndësi nuk bëjnë, veç më marrë votat.
Në bazë të te dhënave që Tëvë 1 ka siguruar nga Policia e Kosovës në vitin 2023 janë të raportuara 42 raste të vetëvrasjeve dhe 120 tentim vetëvrasje.
Kurse nga janari e deri me tani janë raportuar 10 raste të vetëvrasjeve, dhe 42 tentim vetëvrasje.
