Në Gjermani, po nisin gjithnjë e më shumë hetime kundër njerëzve që përdorin simbolin Z për të shprehur mbështetjen e tyre për luftën ruse në Ukrainë.
Sipas një raporti të grupit mediatik Redaktionsnetzwerk Deutschland, më shumë se 140 hetime janë nisur që nga 24 shkurti për mbrojtjen e luftës ruse në Ukrainë. Shumica e këtyre hetimeve përfshijnë përdorimin e simbolit Z.
“Z” e bardhë shpesh mund të shihet në tanket dhe uniformat ruse. Ajo nënkupton sloganin “për fitore”. Shpesh mund të shihet në ndërtesa, makina dhe veshje jashtë zonës së luftës dhe në mediat sociale.
Përdorimi i simboleve mund të konsiderohet si “mbështetje e një krimi” nëse mund të provohet një lidhje me luftën në Ukrainë, sipas Ministrisë së Brendshme të Rhine-Westfalen.
Sipas nenit 140 të Kodit Penal, personat që përdorin simbolin mund të dënohen me burgim deri në tre vjet ose me gjobë.
