Ylli i Liverpoolit, Mohamed Salah, ka thënë se nëse do të fliste sot atëherë do të kishte zjarr, pas përplasjes verbale që pati me trajnerin Jurgen Klopp.
“Nëse flas sot… do të ketë zjarr”, ka thënë egjiptiani teksa është larguar nga stadiumi i West Hamit të shtunën.
Por Kloppi pas ndeshjes u shpreh se kanë folur në dhomat e zhveshjes për atë moment.
“Folëm për atë në dhomat e zhveshjes me djemtë, është kryer”, u shpreh trajneri gjerman, teksa shtoi se për të gjithçka ka përfunduar aty.
Salah dhe Klopp patën fjalosje mes vete, teksa sulmuesi po përgatitej të futej në lojë 10 minuta para fundit. Gjithçka u kap nga kamerat. U desh ndërhyrja e Darëin Nunezit për ta ndaluar Salahun.
Liverpooli barazoi 2:2 me West Hami dhe uli edhe më shumë gjasat për titull.
