Skuadra e Barcelonës ka shprehur interesim për sulmuesin e krahut, Leroy Sane bën të ditur “El Chiringuito” të premten.
Mësohet se Barcelona tashmë ka kontaktuar Bayern Munchenin në lidhje me 28-vjeçarin, i cili pëlqehet shumë nga trajneri Xavi Hernandez.
Sane është pjesë e Bayernit prej vitit 2020 dhe ka kontratë deri në vitin 2025, ndërsa këtë edicion ka shënuar 9 gola dhe ka bërë 13 asistime në 39 paraqitje në të gjitha garat.
Kartoni i tij, vlerësohet mbi 50 milionë euro kurse Sane karrierë ka bërë edhe te Manchester City e Schalke. Ai ka edhe 59 paraqitje dhe 13 gola të shënuar për Gjermaninë.
