Për rastin e dhunimit të 11 vjeçares, që pat tronditur shoqërinë kosovare në vitin 2022, u shpall aktgjykimi të martën në Gjykatën Themelore në Prishtinë.
Departamenti për Mitur në kuadër të kësaj gjykate, ka dënuar me 62 vjet burgim 6 të akuzuarit e grupit të dytë në rastin e dhunimit të 11 vjeçares.
I akuzuari B.RR është dënuar me dënim me burgim në kohëzgjatje prej 12 viteve, ndërsa të akuzuarit D.RR, B.S, M.S, F. S dhe M.R janë dënuar me dhjetë vjet secili veç e veç.
Ndërkaq personi me iniciale G.S është liruar nga aktakuza në mungesë të provave.
Pas shpalljes së aktgjykimit, i cili ishte i mbyllur për media, sikurse edhe seancat paraprake në këtë rast, si dënim meritor e ka cilësuar avokatja e viktimës.
“Për mendimin tim është dënim meritor për shkak që vetëm njëri është liruar në mungesë të provave ndërsa të tjerët janë dënuar me aktgjykim meritues. Viktima është në strehimore që nga momenti i ndodhjes, gjendja e saj është jo e kënaqshme por ajo është u trajtuar nga institucionet që janë përkatëse për gjendjen e saj”, ka thwnw avokatja Kimete Krasniqi
Por më këtë vendim të gjykatës, nuk është pajtuar Haxhi Millaku i cili përfaqëson njërin të akuzuar.
“T’i ipen 10 vjet përkatësisht të akuzuarit të parë 12 vite për një vepër penale, për një 5 minutsh pse kanëkontaktu me atë vajzë dhe nuk është vërtetu as nga ekspertiza interdiciplinare se nuk ka pasur penetrim seksual me atë vajzë”, ka thwnw ai.
Millaku pretendon se viktima është më e madhe në moshë se sa që thuhet në aktakuzë.
“Edhe përkundër fjalës së ekspertit mjeko-ligjor dhe shkencës radiologjike e cila e vërtetoi moshën e viktimës që është mbi 16 vite deri në 17 kështu thotë ekspertiza, ndryshoi në dëm tëtë akuzuarve dhe drejtësia ia ka huq në tërësi.”
Prokuroria Themelore në Prishtinë në dhjetor të vitit 2022 kishte ngritur aktakuzë ndaj tetë personave, të moshës madhore, si të dyshuar për përfshirje në rastin e dhunimit të 11-vjeçares në Prishtinë, në muajin qershor.
Ndryshe, për rastin e dhunimit të 11-vjeçares po akuzohen 13 persona në dy raste të ndara. Lidhur ne rastin e përfshirjes në dhunimin e 11-vjeçares në qershor të 2022-ës akuzohen tetë persona B.Rr., D.Rr., G.S., B.S., M.S., F.S., M.R., dhe E.S. Kurse, pesë të akuzuarit: E.R. dhe Sh.K., (madhor), si dhe tre të miturit G.R, G.J dhe Xh.S, akuzohen për përfshirje në rastin e dhunimit të 11-vjeçares, në muajin gusht të vitit 2022.
Kronika e realizuar nga gazetarja Gresa Bardhecaj
