Asistenti i zyrtarit të lartë të Komisionit Komunal të Zgjedhjeve, Shaban Rexha , thotë se asnjë qytetarë nuk ka dal të votoj në Komunën e Zveçanit.
Rexha njoftoi se çdo gjë është duke shkuar në rregull sa i përket planit për procesin e votimit për largimin e kryetarëve shqiptarë.
“Prej orëve të para të mëngjesit çdo gjë ka shkuar në rregull. Të gjitha vend-votimet janë të hapura me kohë. Deri më tash nuk kemi pasur asnjë problem nga ana teknike në mbarëvajtjen e procesit zgjedhor për apo kundër largimit të kryetarit në Komunën e Zveçanit”, tha ai në Edicionin Special në Tëvë1.
Ai tha se jo vetëm në Zveçan, por në çdo komunë procesi i votimit është duke shkuar në rregull.
“Deri më tash nuk kemi pasur asnjë votues. Asnjë votues nuk ka dal të votoj në Zveçan. Pra, 0 me 0 është edhe me tej votimi këtu. Si në këtë komunë edhe në të tjerat procesi është duke shkuar në rregull. Në këtë komunë e vetmja është që nuk kemi pasur pjesëmarrës në votim”, shtoi ai.
Në katër komunat në veri të Kosovës, qytetarët po votojnë sot nëse duan apo jo të largojnë kryetarët komunalë shqiptarë. Procesi mbahet mes thirrjeve nga Lista Serbe për bojkotimin e votimeve në komunat e banuara me shumicë serbe./teve1.info/