Memli Krasniqi për Agim Ramadanin: Përmes luftës dhe vargjeve të tij, ai jeton në zemrat e secilit shqiptar
Kryetari i PDK-së, Memli Krasniqi, ka thënë se heroi Agim Ramadani, në 25-vjetorin e rënies së tij, përmes luftës dhe vargjeve të tij, jeton ende në zemrat e secilit shqiptar atdhedashës.
Njëherit, Krasniqi ka shprehur mirënjohje dhe lavdi ndaj luftëtarëve të betejës së Koshares.
“Agim Ramadani – komandant “Katana”, e dinte përgjigjen në këtë pyetje para se ta shkruante këtë poezi. Prandaj, radhitja në mesin e Ushtrisë Çlirimtare të Kosovës, për t’u bërë pjesë e luftës për liri, ishte mënyra e tij për të thënë se, JO, nuk mjaton të shikojmë. Se liria nuk falet, por fitohet me gjak. Lavdi heroit të Kosovës,i cili edhe sot, në 25-vjetorin e rënies së tij heroike, përmes luftës dhe vargjeve të tij, jeton në zemrat e secilit shqiptar atdhedashës. Respekt, mirënjohje dhe lavdi luftëtarëve dhe dëshmorëve të betejës së Koshares, të cilët, me brigadën e tyre të pagëzuar me emrin e Agimit, vazhduan luftën për çlirim deri në fund!”, ka shkruar Krasniqi në Facebook./teve1.info/.
