Një person nga Peja është gjobitur me 500 euro, 5 pikë negative dhe 6 muaj masë mbrojtëse, pasi i njëjti është kapur duke drejtuar veturën në masë mbrojtëse.
Kështu ka njoftuar Policia e Kosovës, teksa kanë bërë të ditur se tërheqja e veturës së tij është bërë me automjet të posaçëm sipas ligjit në fuqi.
“Më 10.04.2024, pas një kontrolli rutinor nga zyrtarët Policor të Njësisë Rajonale të trafikut rrugor në DRP Pejë, është vërtetuar se vozitësi i mjetit drejton mjetin në masë mbrojtëse, të njëjtit i është bërë tërheqja e automjetit me automjet tërheqës sipas ligjit në fuqi. Kundërvajtësit i është shqiptuar gjoba: 500 euro, 5 pikë negative dhe 6 muaj masë mbrojtëse”, ka njoftuar Policia e Kosovës.
