Ai ka folur në lidhje me sulmin ndaj Policisë së Kosovës në veri, duke u shprehur se Prishtina duhet të veprojë me shumë kujdes.
Gjithashtu, kërkoi nga NATO të mos lejojë depërtimin e njësive speciale nga Prishtina në veri të Mitrovicës.
“Prishtina duhet të veprojë me shumë kujdes, KFOR-i duhet të marrë pjesën e vet të përgjegjësisë, që të mos lejojë depërtimin e njësive speciale nga Prishtina në veri të Kosovës. Të gjitha këto Prishtina po i bën me qëllim. Nga njëra anë kanë një fushatë të fortë propagandistike që i lidh ngjarjet në Ukrainë me disa synime imagjinare të Serbisë ndaj Kosovës, edhe pse shumë qartë kemi vendosur që problemin e Kosovës ta zgjidhim në mënyrë paqësore dhe politike”, është shprehur Drecun.
