Sot është shënuar ditë ndërkombëtare e komunitetit rom. Por kjo ditë është festuar 4 ditë më herët, në një ngjarje të organizuar nën patronatin e Zyrës së Kryeministrisë. Mirëpo këtë vendim, qytetarët e këtij komuniteti në Fushë Kosovë nuk e kanë pritur mirë.
8 Prilli në Kosovë, Dita Ndërkombëtare e Romëve, u festua katër ditë më herët.
Kjo pasi në shënim të kësaj dite, u organizua një ngjarje nën patronatin e Zyrës së Kryeministrit.
E nga ky komunitet nuk e pritën mirë këtë organizim.
“Çdo vit kemi festu mirë por këtë jo. Kuptova që ata e kanë bërë në Prizren, fshehurazi. Allahu e di. Veç nëse e kanë bërë e sna kanë thirr, marrë është”, tha qytetari nga komuniteti rom, Tahir Alilja.
Por për këtë ditë, organizimet dhe festën do e bëjnë vetë.
“8 Prilli është një ditë ndërkombëtare e romëve dhe është një ditë që është bërë flamuri kombëtar i romëve. Ne për këtë ditë kemi manifestime të shumta, për të rinjtë kemi lojëra të ndryshme”, tha përfaqësuesi i komunitetit rom në Fushë-Kosovë, Fehmi Gashi.
E që janë të bashkuar të tri komunitetet në Fushë Kosovë, e dëshmon edhe muaji i Ramazanit.
Kjo pas çdo ditë, me ndihmën e mërgimtarëve, Muhamet Cakiqi shtron iftare për 60 familje në oborrin e tij.
“Jemi duke e mbajtur këtë kuzhinë që 4 vjet për komunitetin rom, ashkali, egjiptian dhe kam pasur edhe komunitetin shqiptar. Po para ramazanit na i kemi pasur çdo ditë familjet në nevojë që kanë marrë bukë”, u shpreh Muhamet Cakiqi, qytetar i komunitetit rom.
Kjo ditë ka rëndësi të veçantë për komunitetin rom, pasi synon të ndërgjegjësojë shoqërinë mbi sfidat që kalon ky komunitet në mbarë botën.