Mbrojtësi Hajdin Salihu ishte protagonist te skuadra e tij, Cherkasy në ndeshjen kundër Dynamo Kievit.
Dueli i luajtur të hënën në kuadër të kampionatit të Ukrainës, ka përfunduar me rezultatin 1:1. Golin e vetëm për Cherkasyn, e shënoi mbrojtësi Hajdin Salihu, i cili edhe ia siguroi një pikë ekipit të tij.
Salihu realizoi në minutën e 40-të, duke vulosur rezultatin përfundimtar të takimit. Salihu ishte titullar dhe Cherkasy dhe i pazëvendësueshëm në këtë takim, sikurse mesfushori Muharrem Jashari, i cili u ndëshkua me karton të verdhë.
Për Salihun 22-vjeçar, ky është goli i tij i dytë në kampionatin ukrainas. Këta dy futbollistë iu bashkuan ekipit ukrainas nga Drita e Gjilanit në afatin kalimtar të janarit.
Cherkasy është i nënti në Ukrainë me 26 pikë të tubuara pas 23 ndeshjeve të luajtura.
