Kryetari i Aleancës për Ardhmërinë e Kosovës, Ramush Haradinaj, ka kujtuar bashkëluftëtarin e tij, Sardi Zenelin, në 25-vjetorin e tij të rënies.
Haradinaj përveç Zenelit, ka kujtuar edhe sakrificën e bashkëluftëtarëve tjerë, Ali Ramën, Ramë Mehmeti, Islam Ademaj, Lan Rexhaj, Bajrush Mehmeti, Arben Mehmeti dhe Fitim Rexha.
Po ashtu, Haradinaj ka shkruar se luftëtarët nga Jabllanica e Gjakovës, i kanë dhënë kahje fatit të shumë betejave kundër armikut.
“Mësues, prijës popullor, komandant lufte, i pari në rezistencë e aksione. Ky ishte bashkëluftëtari im Sadri Zeneli, që sot po e përkujtojmë në 25-vjetorin e përjetësisë. Luftëtarët dhe udhëheqësit e luftës nga Jabllanica e Gjakovës, me trimërinë e guximin e tyre, i dhanë kahje fatit të shumë betejave kundër armikut, duke e ruajtur kështu traditën shekullore të rezistencës dhe përpjekjeve për liri. Në këtë përvjetor të dhembjes dhe krenarisë, përkujtojmë dhe nderojmë gjithashtu sakrificën e bashkëluftëtarëve, Ali Rama, Ramë Mehmeti, Islam Ademaj, Lan Rexhaj, Bajrush Mehmeti, Arben Mehmeti dhe Fitim Rexha”, ka shkruar Haradinaj në Facebook.
Në përfundim, Haradinaj ka thënë se sakrifica e tyre, obligon përkushtimin e të gjithëve për një Kosovë më të sigurt e me të zhvilluar, përkrah Shteteve të Bashkuara të Amerikës.
