Tutje, Kurti deklaroi se Serbia po armatoset nga Rusia për luftëra, njofton teve1.info.
Ndërkohë, kreu i ekzekutivit vlerëson se vendet e BE-së e kanë neglizhuar për shumë kohë bashkëpunimin ushtarak mes Serbisë dhe Rusisë.
“Kremlini po përpiqet të përdorë Serbinë si mjet për destabilizimin e Ballkanit. Ajo po blen pajisje ushtarake nga Rusia. Nga 14 avionë MIG-29 që kanë, 8 janë donacion nga Bjellorusia dhe gjashtë nga Federata Ruse. Ekziston një ndërtim i bashkëpunimit ushtarak midis Beogradit dhe Moskës dhe, siç e shihni në Ukrainë, i gjithë armatimi që është blerë nuk është vetëm për trajnim, por edhe për luftëra. Pra, pajisjet ushtarake janë fazë përgatitore për makineritë e luftës. Shumë vende në BE e kanë lënë pas dore këtë ngritje ushtarake të Federatës Ruse dhe Serbisë”, tha Kurti.
