Presidentja e Kosovës, Vjosa Osmani, ka pritur në takim ambasadorin e SHBA-ve, Jeffrey Hovenier, raporton teve1.info
Sipas njoftimit të Presidencës, në takimin e rregullt mes Osmanit dhe Hovenier, u diskutua rreth zhvillimeve të fundit në Kosovë, me fokus të veçantë anëtarësimin e saj në KiE.
“Presidentja e Republikës së Kosovës, Vjosa Osmani priti sot në takim të rregullt Ambasadorin e SHBA-ve, Jeffrey Hovenier. Në takim u diskutua për zhvillimet e fundit në vend me fokus të veçantë në procesin e anëtarësimit të Kosovës në Këshillin e Evropës. Tutje, Presidentja Osmani dhe Ambasadori Hovenier diskutuan edhe për përgatitjet që po bëhen për mbajtjen e zgjedhjeve në veri, si dhe aspekte të ndryshme të bashkëpunimit bilateral”, thuhet në njoftimin e Presidencës.