Policia e Kosovës (PK) njofton se është arrestuar E.H (20-vjeçar), pasi po kërkohej me urdhëresë të Gjykatës Themelore në Ferizaj, i dënuar me 18 muaj burgim për dhunim.
Në njoftimin e Policisë, thuhet se i pandehuri është arrestuar të mërkurën nga policët e stacionit në Ferizaj të mbështetur nga Njësia e Reagimit të Shpejtë, në rrugën ” Driton Islami” në Ferizaj, raporton “Betimi për Drejtësi”.
Bëhet e ditur se pas kompletimit të dokumentacionit, i pandehuri është dërguar në vuajtje të dënimit.
“Policia rajonale e Ferizajt falënderon qytetarët për bashkëpunim, ndërsa inkurajon edhe të tjerët që të bashkëpunojnë me policinë. Sa herë që kanë informacione për personat e kërkuar nga organet e rendit, të njoftojnë menjëherë stacionin e policisë më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406. Të dhënat e juaja do të ruhen në konfidencialitet të plotë”, thuhet në njoftim.