Kryetari i Lidhjes Demokratike të Kosovë, Lumir Abdixhiku, ka uruar të gjithë besimtarët katolikë me rastin e festës së Pashkëve.
Abdixhiku ka thënë se kjo festë ringjallë shpresën, forcën dhe vullnetin, teksa ka shtuar se duhet vazhdimisht të ketë përpjekje për një të ardhme më të mirë për Kosovën, përcjell teve1.info.
“Të dashur qytetarë të besimit katolikë. Festa e Pashkëve ashtu siç shënjon ditën e ngadhnjimit të jetës mbi vdekjen dhe rikthimin e njeriut te vlerat më sublime shpirtërore, ashtu le të na rigjallërojë shpresën, forcën dhe vullnetin për t’u bërë më të mirë me njëri-tjetrin dhe për të shpalosur vlerat e vërteta njerëzore. Le të përpiqemi të punojmë për një të ardhme më të mirë për vendin tonë të dashur Kosovën. Gëzuar Pashkët!”, thuhet në postimin e Lidhjes Demokratike të Kosovës./teve1.info/.
