Një person është gjetur pa shenja jete të shtunën në një pishinë në Istog.
Sipas raportit të policisë, thuhet se viktima sa ishe në pishinë kishte kërkuar ndihmë dhe ishte ndihmuar nga shpëtimtari i pishinës, përderisa edhe ishte dërguar me ambulancë në spitalin e Pejës.
Vdekjen e viktimës e ka konstatuar mjeku kujdestar.
Policia ka bërë të ditur se me vendim të prokurorit, trupi i pajetë është dërguar në IML për obduksion.
“Banjë, Istog 30.03.2024-18:00. Raportohet se viktima mashkull kosovar derisa ishte në pishinë kishte kërkuar ndihmë dhe ishte ndihmuar nga shpëtimtari i pishinës. Mjeku kujdestar i pishinës i kishte ofruar ndihmë mjekësore dhe me autoambulant ishte dërguar në spitalin e Pejës, ku mjeku kujdestar e kishte konstatuar vdekjen e viktimës. Me vendim të prokurorit, trupi i pa jetë dërgohet në IML për obduksion”, thuhet në raport./teve1.info/