Gjeorgjia ka siguruar kualifikimin në Kampionatin Evropian që mbahet këtë vit në Gjermani.
Gjeorgjia, të martën mbrëma në Tbilisi ka mposhtur Greqinë në finalen e play-offit të Ligës C. Gjeorgjia triumfoi 4:2 pas penalltive pasi koha e rregullt e takimit dhe dy vazhdimet nga 15-të minuta përfunduan pa gola.
Futbollistët e Gjeorgjinë ishin më të saktë se ata të Greqisë nga pika e bardhë. Gjeorgjia shënoi katër penallti dhe e humbi vetëm një, ndërsa Greqia prej kaër penalltive i realizoi dy dhe dy të tjera i humbi.
Për Gjeorgjinë, kjo është hera e parë që merr pjesë në një ngjarje të madhe, ndërsa në “Euro 2024” do të jetë pjesë e Grupit F së bashku me Turqinë, Portugalinë e Çekinë.