Ministri i Shëndetësisë, Arben Vitia ka thënë se sot kanë nënshkruar një marrëveshje me ambasadorin e Zvicrës , Jurg Sprecher për investimin prej mbi 6 milionë franga zvicerane.
Vitia tha se marrëveshje është e dedikuar për kujdesin parësor shëndetësor.
“Kontributi zviceran është një grant prej 6,450,000 frangave zvicerane dhe do të përdoret për zbatimin e Projektit së bashku me Ministrinë e Shëndetësisë. Me këtë projekt përfiton kujdesi parësor shëndetësor në të gjitha komunat e Kosovës.
Prioritet i përbashkët mbetet përmirësimi i shëndetit të qytetarëve, me fokus nevojat e pacientëve, e veçanërisht shëndetin e grupeve të cenueshme. Vazhdon puna në krijimin e kushteve sa më të favorshme dhe një sistemi të qëndrueshëm në kujdesin shëndetësor”, ka shkruar Vitia në Facebook.