Ambasada e ShBA-së në Prishtinë ka bërë një përmbledhje të vizitës të Ndihmës Sekretarit për Byronë Ndërkombëtare për Narkotikë dhe Sundim të Ligjit të SHBA-ve, Todd D. Robinson, në Kosovë.
Përmes një postimi në faqen e tyre zyrtare, ambasada ka shkruar se Robinson kryesoi donacion për sistemin e drejtësisë dhe korrektimit me vlerë mbi 5 milionë dollarë.
Njëherit, kanë përmendur edhe vizitat e tij në Prizren e Prishtinë.
“Ishim të nderuar të kishim Ndihmës Sekretari Todd Robinson në një vizitë në Kosovë këtë javë. Gjatë vizitës së tij, ai u takua me Presidenten e Kosovës, Vjosa Osmani, Kryetaren e Gjykatës Kushtetuese Gresa Caka-Nimani dhe me shumë përfaqësues nga sektori i drejtësisë dhe korrektimit, prokurorisë, shoqërisë civile dhe mediave. Ai gjithashtu kryesoi një donacion për sistemin e drejtësisë dhe korrektimit me vlerë mbi 5 milionë dollarë amerikanë. Ndihmës sekretari Robinson po ashtu i ka shijuar shëtitjet në Prizren dhe Prishtinë dhe ka pasur rastin të flasë për vizitën e tij në njërën prej medieve”, thuhet në postimin e Ambasadës Amerikane.
Kujtojmë se Robinson u prit dje nga presidentja e Kosovës, Vjosa Osmani, me të cilën ka mbajtur edhe konferencë të përbashkët.
Më pas, ai u takua me shumë përfaqësues nga sektori i drejtësisë dhe korrektimit, prokurorisë dhe shoqërisë civile./teve1.info/.
We were honored to have @StateINL Assistant Secretary Todd Robinson visit Kosovo this week. During his visit, he met Kosovan President Vjosa Osmani, Constitutional Court President Gresa Caka-Nimani, and many representatives from the justice and corrections sectors, prosecution,… pic.twitter.com/fcUE6dDALR
— U.S. Embassy Pristina (@USEmbPristina) March 22, 2024
