Juristja e mediave, Flutura Kusari është nderuar me Urdhrin e Meritës nga Gjermania, raporton teve1.info
Përmes një komunikate për medie të Ambasadës së Gjermanisë në Kosovë, thuhet se ky urdhër që i është ndarë nga presidenti gjerman, Frank-Walter Steinmeier, iu dha Kusarit nga ambasadori gjerman në Prishtinë, Jorn Rohde, më 18 mars.
“Kusari është qytetarja e parë e Kosovës që merr Urdhrin e Meritës që ndahet nga shteti gjerman. Avokimi i saj i palodhshëm përfshin mbrojtjen e lirisë së medias kundër ndërhyrjes politike, mbrojtjen e gazetarëve nga sulmet verbale dhe fizike dhe në rastet e padive SLAPP [padi strategjike kundër pjesëmarrjes publike]. Kritikat konstruktive të Kusarit dhe qasja proaktive ka bërë që ajo të ketë reputacionin e një force shtytëse për llogaridhënie brenda Qeverisë”, thuhet ndër të tjera në komunikatë.
Një njoftim të tillë e dha edhe Ambasadori i Gjermanisë në Kosovë, Jorn Rohde, përmes rrjetit social X.
Në postimin e tij Rohde ka thënë se po e festojnë përkushtimin e Kusarit për lirinë e medias dhe demokracinë në 🇽🇰 + më gjerë.
“Përpjekjet e saj të mëdha njihen nga prania e @atifetejahjaga, @ViolavonCramon, deputetë dhe shoqëri civile. Urime dhe vazhdoni punën e shkëlqyer!”, është shkruar në X.
🇩🇪 Order of Merit for @fluturakusari as 1. 🇽🇰 citizen!
Celebrating her dedication to media freedom & democracy in 🇽🇰 + beyond. Her great efforts get acknowledged by the presence of @atifetejahjaga, @ViolavonCramon, MPs & civil society. Congratulations & keep up the great work! pic.twitter.com/BlBEpZk4pF— Ambassador Jörn Rohde (@GermanAmbKOS) March 18, 2024