Ish-ministrja e Integrimeve Evropiane, Mimoza Ahmetaj duke folur për refuzimin e kryeministrit, Albin Kurti që u ka bërë propozimeve të të dërguarit special të ShBA-së për Ballkanin Perendimor, Gabiel Escobar, ka thënë se pasojat do të jenë të paparashikueshme.
Sipas Ahmetajt, qytetarët do ta paguajnë çmimin e kryeneçësisë dhe papjekurisë politike të Kurtit.
“Ne po e paguajmë të gjithë çmimin e kryeneçësisë dhe papjekurisë politike. Ne duhet të mbajmë shënime ta shohim ku është Kosova dhe ta dimë se sa e vështirë do të jetë për secilën qeveri që do ta merr pushtetin dhe sa punë do të duhet që të kthehemi në piken zero. Ne jemi duke shkuar drejtë rënies. Pasojat për të cilat ka folur Escobar do të jenë të paparashikuara”, është shprehur ajo në emisionin “Ditari” në Tëvë 1.
Për ish-ministren Ahmetaj, kryeministri Kurti po i prolongon duke mos i implementuar të gjitha çështjet që janë vendosur në Ohër.
Ajo, këtë veprim të Kurtit, po e quan si tendencë që t’i ikë implementimeve që mund t’i kushtojnë në zgjedhjet e ardhshme.
“Jo vetëm çështja e dinarit, por të gjitha çështjet që kanë qenë në proces e sipër që të implementohen si derivate nga marrëveshja e Ohrit kanë qenë tendencë e Kurtit që t’i prolongojë dhe mos t’i implementojë pasi që sipas gjasave ne po u afrohemi zgjedhjeve dhe çdo implementim i marrëveshjeve të cilat ai i ka arritur vet në Ohër do t’i faturohet atij te votuesit” shtoi ajo. /teve1.info/
