U shënua fillimi i trajnimeve në instalime solare në pesë Qendra të Aftësimit Profesional (QAP) në vend, përkatësisht në QAP Ferizaj, Prishtinë, Gjakovë, Mitrovicë dhe Prizren.
Ministri Murati u shpreh se “trajnimet në instalimin e paneleve solare paraqesin një hap të rëndësishëm për ministrinë, ngase hapin dyert për punësime të reja në një industri jo shumë të njohur, por më mjaft potencial në vendin tonë.
Ndërsa, shefi i Zyres së UNDP-së në Kosovë, të cilët edhe e kanë përkrahur këtë projekt, u shpreh se “përmes trajnimit në panele solare, ne synojmë krijimin e një mekanizmi që pajis fuqinë punëtore me aftësitë e nevojshme për të përmbushur kërkesat e tregut.”
“Analizat e tregut dëshmojnë nevojën për rreth 10 mijë vende të reja pune profesionale për të garantuar tranzicionin energjetik në vend, që dëshmon edhe më tej rëndësinë e këtyre trajnimeve”, thuhet në një njoftim të kësaj ministrie në Facebook.
