Policia e Kosovës ka njoftuar se ka arrestuar katër persona në Viti, shkruan teve1.info.
Sipas njoftimit, të njëjtit pas një mosmarrëveshje janë përleshur fizikisht mes vete, derisa kanë pësuar edhe lëndime trupore.
Më tej, thuhet se gjatë përleshjes një grua kishte ndërhyrë për ti ndarë e si pasojë e njëjta ka pësuar lëndime të rënda trupore me ç’rast thuhet se është hospitalizuar në Spitalin e Gjilanit.
Bëhet e ditur se të dyshuarit me vendim të prokurorit janë dërguar në mbajtje.
“Janë arrestuar katër të dyshuar meshkuj kosovarë, pasi që të njëjtit pas një mosmarrëveshje janë përleshur fizikisht në mes vete. Si pasoje, të dyshuarit kanë pësuar lëndime të lehta trupore, ndërsa viktima femër kosovare që kishte ndërhyr për ti ndarë, ka pësuar lëndime të rënda trupore dhe e njëjta është hospitalizuar në Spitalin e Gjilanit. Me vendim të prokurorit, të dyshuarit janë dërguar ne mbajtje”, thuhet në raport./teve1.info./